2023ko urtarrilaren 19an, Fitz Roy menditik (Patagonia) jaisten ari zirela, zorigaiztoko elur-jausi batek Iker Bilbao eta Amaia Agirre mendizaleak harrapatu zituen. Istripu horretan bizia galdu zuten biek eta ezin izan zituzten gorpuak erreskatatu.
Handik egun batzuetara, senide eta gertuko lagunen talde txiki batek Fitz Roy-ra bidaiatzea erabaki zuen gorpuak berreskuratzen saiatzeko eta dolu-etapa amaitzeko asmoz. Talde hau alpinista adituek eta boluntarioek osatzen dute eta kaltetutako familiei laguntzeko helburuarekin euren lanei uko egitea erabaki dute epe mugagabez.
Egoera aztertuta, kontu korronte bat sortzea erabaki da, Patagoniara joan diren eta kausa solidario honetan murgiltzea erabaki duten pertsonei gastuen finantzazioarekin laguntzeko.
2023ko urtarrilaren 26an Durangoko Laboral Kutxan irekitako kontua.