Ehunka herritar elkartu ziren Zizurkilgo Joxe Arregi plaza eta Villabonako Errebote plazaren arteko bidea kalejiran egiteko. Lagun izan zituzten erraldoi eta buruhandiak eta Loatzoko trikitilariak. Aiztondo bailarako eskola publikoetako kideak bildu ziren ekimenean. Kolorez eta musikaz alaitutako kalejira izan zen, Errebote plazan amaitu zena.Bertan egin zuten ekitaldian, Euskal Eskola Publikoaren aldeko hitzak entzun ahal izan ziren, eta bailarako eskolako ordezkariek hartu zuten hitza. Txalo artean amaitu zen ekitaldia eta jarraian, bertaratutako haurrek buruhandiekin jolasean ibiltzeko aukera izan zuten.