Aiztondoko Mugumendu Feministak deituta egin den manifestazioari amaierari emateko, Zizurkilen iaz berreskuratu zuten Irradaka dantza-saioa egin dute bertaratu direnek, borobilean jarrita eta eskutik helduta.
Bestalde, Amaia Agirre bertsolariak, honako hiru bertso abestu ditu Joxe Arregi plazan:
Emakumeen eguna
eskubideen aldarri,
lan baldintza duin batzuk
nahi dituena oinarri,
genero arrakalarik gabe
parekidetasunaren alde.
Iraultza denen uztarri
zaintza erdigunean jarri
ta gure iraultza iragarri
eta lagundu elkarri.
Lan munduan azpiratze
eta morrontza isila.
Errugabe den hamaika
jipoitu ta eraila.
Zaintza ez da hitz femeninoa,
ezezkoa da hautu irmoa,
irauli daigun tortila.
Zaintza bada gai unibertsala,
gizon oro ere berehala
borrokan hasi dadila.
Nor ez da eskubideen
ta hitzaren aktibista?
Sutara mundu matxista
eta diskurtso faxista.
Ahizpatasuna ta ahalduntzea
hori da elkarri laguntzea.
Erdigunea konkista
kunplimenduzko kuotak fuera
ta atera gaitezen kalera.
Gora iraultza feminista!
