Azpeitiako Elosiaga auzoan kokatzen den Etxe Txiki baserria da bere bizitokia, eta Elosiaga Idiazabal jatorri izendapena daukan gazta ekoizten du. Herritik herrirako halako leku aldaketetan, autoen errepideetatik igaro behar izan du; ikusgarria egiten da haien ibilaldia, eta Urnietatik Andoaingo bidea joan den otsailaren 25ean egin zutenean ere, makina bat lagun geratu zitzaizkien begira-begira, auto-gidariak, oinezkoak zein bizilagunak leiho eta balkoietatik. Hainbat bideo-grabazio eta argazki “jasan” behar izan zituzten bidean, Amaia Segurola familiako alabak aipatu zuenez, "kaletarrek gauza exotikotzat hartzen dute artaldea kalean ikustea".
Egunotan transhumantzia txikia egingo dute, Buruntzatik abiatu, eta Sorabillan, Belkoainen, Zarate Bentan eta Andazarraten barrena iritsiko dira bizitokira. Eta azkenik, handik, ardiak kamioan sartu eta Aralarreko larretako bazka goxoen bila abiatuko dira, neguaren joanarekin eta udaberriaren etorrerarekin batera.
Elosiaga gazta Azpeitiako merkatuan ez ezik, BM eta SuperAmara saltokietan topa daiteke; zuzeneko salmenta ere egiten dute.
