Dena dela, ohiturak agindu bezala, erremontista-bikote bakoitzak sagardotegi baten izenean jokatuko du.
- Alorrenea: Urriza-Martirena
- Oialume Zar: Goikoetxea V-Barrenetxea IV
- Petritegi: Aldabe-Azpiroz
- Bereziartua: Segurola-Juanenea
- Aburuza: Ansa II-Zaldua
- Gurutzeta: Ezkurra II-Zubiri
Berrikuntzak lehian
"Erremontari" pertsonaia ez da berrikuntza bakarra. Izan ere, set formatuan jokatuko dira neurketak: 15 puntuko bi set izango dira, lehenik, eta, berdinketa izanez gero, 5 puntuko hirugarren set baten ostean erabakiko da norgehiagokako bikote irabazlea.
- Partida bi setetan irabazita (2-0): 4 puntu.
- Partida hirugarren setean irabazita (2-1): 3 puntu.
- Partida hirugarren setean irabazita (1-2): 1 puntu.
- Partida bi setetan galduta (0-2): 0 puntu.
- Partida bi setetan galtzeaz gain, bi partiden artean 16 tanto egitea lortzen ez bada (0-2): -1 puntu.
Txapelketaren ibilbidea
Zazpi partidez osatutako ligaxkak emango dio hasiera txapelketari, guztiak guztien aurka ariko diren lehian: apirilaren 17an eta 24an eta maiatzaren 1ean, 8an, 22an eta 29an. Hori horrela, lehen lau postuak eskuratutako bikoteek finalerdietara egingo dute jauzi, ekainaren 5ean jardunaldi bakarrean egingo den neurketan; puntuazio gehien lortu duen bikoteak laugarrenaren aurka jokatuko du. Aldiz, bigarren postua eskuratutako bikoteak hirugarrenaren aurka ariko da.
Azkenik, ekainaren 12an izango da ia hiru hilabete hartuko dituen txapelketako final handia. Gertuko jarraipena egingo du ETB1 kateak, eta astelehenero-astelehenero, txapelketa ikusteko aukera izango da, 22:30etik aurrera.