PSE-EE birritan izan da Andoainen, kanpainan. Horietako batean Romero hautagaia izan zen hautes-zerrenda berean doan Maider Lainez alkate ohiarekin batera.
Sumar koalizioa ere Andoainera hurbildu zen, landa eremu politikak defendatzeko. Podemoseko kideak ziren bere osotasunean, Pilar Garridok Kongresuko ordezkari gisa errepikatzeko asmoa baitu.
EH Bilduk atzokoan hautagai nagusiekin ekitaldia antolatu zuen Andoaingo Zumea plazan. Hurbildu ziren dozenaka lagunen aurrean, Aizpurua hautagaiak ildo nagusiak aurkeztu zituen. Inarritu eta Iriarte, Andoni Alvarez alkatearekin batera, Zumea plazako ekitaldian izan ziren.
EAJ-PNVk Donostian egin zuen atzokoan ekitaldi nagusia. Ikusleen artean ikus zitezkeen inguruotako jarraitzaileak. Maribel Vaquero urnietarra da jeltzaleen hautagaia, Gipuzkoako probintzian.
Igandean, hauteskundeak
Bi hautes-ontzi topatuko ditu botu-emaileak. Sobre laranja Senaturako hautagaiak aukeratzeko baliagarria izango da, eta zuria Kongresukoak.
Igande gauean Aiurri.eus gunean emaitzak eskainiko dira.