Egunean Behin 2024

Egunean Behin lehiaketaren denboraldi berrian Aspillako saskia zozkatuko da "Aiurri" taldean

Aiurri 2023ko ira. 29a, 08:44
Artxiboko irudia.

Astelehean hasiko da Egunean Behin lehiaketa ezagunaren denboraldi berria. Hamahirugarrena! "Aiurri" taldean parte hartzeak saria lortzeko aukera dakar. Parte hartzaileen artean, astean behin Aspillako saskia zozkatuko da. Ondo pasa, asko ikasi eta zorte on!

“Aiurri” taldeko partaideen artean, astero, sari bat zozkatuko da. Sariduna “Aiurri” taldeko partaideetako bat izango da, ez du zertan irabazlea izan behar. “Onena” ez, baizik eta hasieratik “parte hartzailea” saritzea erabaki duelako erredakzio batzordeak. Saria eskuratu nahi duenak aste osoko partidak jokatu beharko ditu, nahitaez. Irabazlea Aduna, Amasa-Villabona, Andoain, Asteasu, Larraul, Urnieta eta Zizurkil udalerrietan bizi, ikasi edo lan egiten duena izan daiteke.

Eskualdeko produktuak

Aiurrik tokiko produktuen aldeko apustua egin nahi du. Aspillako, saskia, Arruti gozotegiko kutxa eta Mizpiradi sagardotegiko botilak zozkatu dira aurreko hiru denboraldietan. Denboraldiko lehen asteetan Aspillako saskia zozkatuko dugu. Zorte on!

 

Urriaren 2tik abenduaren 10era bitarte iraungo du Egunean Behin 13D denboraldiak

 

'Aiurri' taldean parte hartzeko aukera zabalik dago. Nola parte hartu?

  • Egunean Behin APPa deskargatu behar da parte hartu ahal izateko.
  • 'Aiurri' taldean parte hartzeko ESTEKA hauxe da.
  • Taldera batu eta joka ezazu, animo.

Zer da Egunean Behin?

Egunean Behin tribial estiloko euskarazko galdera-erantzunen jokoa da, CodeSyntax enpresak garatua. Egunero partida bakarra jokatzeko aukera izango duzu. 10 galdera erantzun beharko dituzu, ahalik eta azkarren. Zenbat eta gehiago asmatu, zenbat eta azkarrago, orduan eta hobeto!

Erlazionatuak

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!