Osasungintza publikoaren garrantzia nabarmendu dute bertaratutakoek: "Eska dezagun ahalegin publikoek berau indartzea, eta ez interes pribatuen alde egitea". Horrez gain, egoera txarra aspalditik datorrela adierazi dute eta agintariak gaitzetsi dituzte: "Osakidetzaren degradazioa urrunetik dator. Arduradun politikoek, nahita eta etengabe hondatu dute, garbiketa-zerbitzuak, garbitegia, jantokiak, anbulantziak, dialisia etabar".
Horiek horrela, Donostian (17:00), Gasteizen (12:00) eta Bilbon (12:00) manifestazioak egingo dira, azaroaren 11n, Osasun Publikoaren Aldeko (OPA) Herri Plataformek deituta.