Eskola publikoaren aldarrikapena egiteko kalejira egingo dute urtarrilaren 27an Aiztondon. Amasa-Villabonako Erreboteko plazatik abiatu, eta Zizurkilgo Joxe Arregi plazara iritsiko da kalejira. Jai giroan egingo dute ibilaldia eta bertan izango dira erraldoiak, buruhandiak eta ipotxak.
Amaieran, eskolen arteko topaketa egingo dute Zizurkilen. Haur jolasak, tailerrak eta musika izango dira bertan, jai giroan murgiltzeko.
Besteak beste, hauek izango dira kalejirako parte-hartzaileak: Amasa-Villabonako erraldoiak, Larraulgo buruhandiak, Loatzo Musika Eskolako musikariak, Unai Mendizabal bertsolaria, Kontalari Bi, Adunatik Eskola Txikietako material salmenta, Fleming Guraso Elkartetik haurrentzako herri-kirolak, Otañoko Guraso Elkartetik aurpegi margoketa, Haurreskolek antolatutako Txiki Gunea, Arabiar pastak, Trentza nigeriarrak...