Bigarren urtez jarraian txapela lortu nahi du Imanol Ansa Urnietarrak. Otsailaren 24an jokatuko da finala, eta asteburu honetako partidan jakingo du Ansak nor izango duen aurkari.
Juanenea garaitu zuen, bi aste atzera. Eta Azpiroz, aurreko astean. Oriamendi enpresak gogorarazi duenez, Ansak zortzi puntu ditu eta Azpirozek eta Juaneneak ez dute punturik. Bien arteko partidako irabazlea finalista izango da, eta galtzailea kanporatua izango da. Partida 16:30ean hasiko da, Galarretan.
