Osakidetzako desegiteak, pribatizazioak eta murrizketek ondorio kaltegarriak dakartza, asistentzia-kalitatearen narriadura oso larria, bai eta irisgarritasun-arazoak ere pertsona guztientzat, bereziki egoera zaurgarrinenetan daudenentzat.
Bizi izan dugu gizon baten heriotza Laudion, sendagilerik ez zuen etengabeko arreta-gune batean. Horrek agerian uzten du, besterik gabe, herrialde, eskualde eta herri guztietan bizi dugun arazo estrukturala, ordutegi-murrizketak, itxierak..., EAJk eta PSEk ezarritako nekropolitika sanitarioaren ondorioz. Horrek oinarrizko desatentzio sanitarioa dakar, horrek guztion bizitzan eta osasunean dituen ondorioekin.
Herritarrek egoera hauek bizi dituzten bitartean, Eusko Jaurlaritzak entzungor egiten die gizarteak osasun-sistema publikoa indartzeko egiten dituen eskaerei, eta jasotzen dugun erantzun bakarra osasun publikoa ahultzen eta desegiten jarraitzea da, osasun pribatua gizentzen jarraitzeko. Orain, Osasuneko sailburuak iragarri du aurrekontu sanitarioaren inbertsio-plan handiak egingo direla, eraikinak sortzeko 277 milioi, plantillak indartuko ez dituzten obretan eta adreiluan, eta lehen mailako arreta indartuko ez dutenak; hauek izanda herritarrek egunero lehen pertsonan pairatzen dituzten osasun publikoaren arazo nagusiak, benetakoak eta premiazkoak.
Gure ustez, mobilizazio soziala beharrezkoa da, ez da nahikoa osasun publikoaren egoera herritarren kezka izatea, gauzak aldatzea behar dugu. Egiturazko aldaketak exigitzen ditugu. Lehen Mailako Arreta osasun-sistemaren zentroan jartzea exigitzen dugu, bere aurrekontua gutxienez osasun-aurrekontuaren % 25era handituz, eman diren murrizketa guztiak irauliz, asistentzia-kalitatea exigitzen dugu, Lehen Mailako Arreta indartzea exigitzen dugu.
Horregatik guztiagatik, martxoaren 16an EAEko hiru hiriburuetan egingo ditugun manifestazioekin bat egiteko deia egiten dugu, osasun %100 publikoa eta kalitatezkoa defendatzeko eta zaintza sistema publiko, duin eta integrala aldarrikatzeko.