Eider Mendoza Ahaldun Nagusiak eta Maria Ubarretxena Bide Azpiegituretako diputatuak 2022ko azaroan eraikitzen hasi ziren azpiegitura berria bisitatu dute gaur. Aldundiak horrela deskribatu du egindako lana: "Ezaugarririk nabarmenena Corten altzairuzko bi zubi berriak dira, atmosferaren korrosioari aurre egiten diotenak eta zubi zaharraren galibo-arazoak saihesten dituztenak. Gaur goizeko bisitan, Eider Mendoza diputatu nagusiak N-I errepidearen lotune berriaren garrantzi kuantitatiboa eta kualitatiboa nabarmendu ditu, logistikaren gune neuralgikoa baita lurralde mailan. Trafikoak berrantolatzea Bide Azpiegituretako diputatu Maria Ubarretxenak egindako lanen konplexutasun handia azpimarratu du, eta horrek ekarri duen inbertsio handia nabarmendu du". Izan ere, pasabide garai bat ordeztu da eta 45 metroko luzera duten bi zubi berri jarri dira, Gipuzkoa osoan ezaugarri hauek dituen biribilgune altu bakarra eraikitzeko. Horri esker, gaur egungo galiboa 5 metrokoa da, eta arazorik gabe ibil daitezke jada garraio bereziak eta ibilgailu handienak N-I errepideko puntu horretatik. Orotara, obrak 8.989.292,30 euroko aurrekontua izan du.
Allerruko lotunea egiteko lanak amaitu dituzte
Biribilgune berriak Allerruko aurreko lotunea ordezten du, eta gune horretan bereziki trinkoa den trafikoa berrantolatuko du. Trafiko fluxu handien bidegurutzea da, besteak beste, Merca-Bugatti, Eskusaitzeta, Zubieta herriko eta Zubietako garraio-zentroak lotzen dituelako.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!