Azken urteetako eskemari jarraiki, "urte guztirako eskaerak egitea" proposatzen du Errigorak: "Oliba-olio birjina estra bidoi handietan eskainiko dugu eta gainontzeko produktuak 12 unitateko sortetan, arroza izan ezik 6ko lotetan banatuko dena". Nolanahi ere, hiru berrikuntza nagusi ditu 2024ko eskaintzak, ardo bereziak, ardo gorenak eta babarrun gorriak.
Aurten, webgunea izango da eskaerak jasotzeko bide nagusia. Hala ere, telefono bidez ere egin ahal izango dira eskaerak. Hegoaldetik deitzeko +34 848 87 12 23; Ipar Euskal Herritik, ostera, +33 532 09 35 45. Apirilaren amaieran edo maiatzaren hasieran jasoko dituzte eskatzaileek produktuak bakoitzaren herrian, eskaera egitean aukeratutako gunean, zehaztutako egutegi eta ordutegian. Online eginez gero, bi zatitan ordaintzeko aukera izango da. Bestela, dena batera ordain daiteke, eskudirutan, produktuak jasotzerakoan.