Gutxieneko zenbait baldintza bete behar ditu eskatzaileak:
- 25 eta 29 urte bitarteko adina.
- Gutxienez urtebetez erroldatuta EAEko edozein udalerritan edo azken 10 urteetan etengabeko errolda 3 urtez.
- Hileroko ordainketa egiaztagarria duen alokairu- edo salmenta-kontratu baten titularra izatea.
- Beste etxebizitza baten jabe ez izatea.
- Ohiko bizileku iraunkorra izatea etxebizitzan.
- Errentatzailearekin bigarren mailara arteko familia-loturarik ez izatea.
- Alokairua, hipoteka edo mailegua banku-transferentziaz edo Bizum bidez ordaintzea, besteak beste.
Bestalde, zenbait baldintza ekonomiko bete behar dira laguntza eskatu ahala izateko:
- Banakako urteko diru-sarrerak 3.000 eta 28.000 euro artekoak izatea.
- 3.000 eta 34.000 euro arteko urteko diru-sarrera bateratuak izatea.
- 75.000 eurotik gorakoa ez den ondarea izatea.
Zalantzak argitzeko hainbat bide izango dituzte herritarrek: 945015591 telefonora deituta, emantzipa@euskadi.eus posta elektronikoaren bidez eta GAZ Emantzipaziorako zerbitzuaren bidez.