Gipuzkoako nekazariak eta abeltzainak Batzar Nagusietara iritsi dira traktoreekin eguerdian, ENBA eta EHNE sindikatuek eta GEBE Gipuzkoako Baso Elkarteak deituta. Goizetik abiatu dira Gipuzkoako hainbat eskualdetatik, eta eskakizun-sorta biltzen duen agiri luze-zabala utzi dute Batzar Nagusien egoitzan. Argazki--bilduma, eta lau bideo (etorrera, agiriaren irakurketa, antolatzaileen balorazioa, eta Urnietako hiru gaztetxoen adierazpenak), ikusgai:
Agiria osorik, hemen.
Agiriaren eskutik, hainbat arlotan banatu dute eskakizunen atala. Hona zeintzuk diren: erakundeen, jendartearen eta sektoreen arteko harremana; ingurumena eta lurra; fiskalitatea; basogintza; basa fauna; azokak; agroseguroa; elikagai katea; azpiproduktuak eta hondakinak; gazteak eta belaunaldi aldaketa; erosketa publikoa; eta azkenik, nekazalturismoa.
