Inoizko jarraipenik handiena izan du KORRIKAk, plataforma digitalean

Hamaika egunez, Euskal Herrian barrena ibili dira zoro zoragarriak korrika. Hala, makina bat herritarrek jarraitu du zuzeneneko emisioa: EITBren datuen arabera, 1.700.000 ikustalditik gora izan dira, aurreko edizioan baino ia % 25 gehiago. Batez beste 1.100 erabiltzailetik gora egon dira aldi berean lasterketa erraldoia gertutik jarraitzen, eta uneren batean 6.000 ingurura iritsi da kopurua. 11 bat minutu egon dira batez beste.