Gipuzkoa
Udal hauteskundeetan, Espainiako Kongresurako bozetan eta gaurkoan EH Bildu indartsu dagoela ikusi da. Botoen %40 eskuratu du Otxandianoren alderdiak, ia %10eko aldea ateraz Pradalesen EAJ-PNVri.
Andoain
EH Bildu sortu zenetik, inoizko emaitza onena eskuratu du Eusko Legebiltzarreko hauteskundeetan. Hauteskunde guztietan garaile da, Andoainen. Eta alde handiarekin, gainera. Hegemoniko bilakatu dela esan daiteke.
Amasa-Villabona
Antzeko gauza esan daiteke EH BIlduri dagokionez. Botoen %52a lortu du EAE mailako hauteskundeetan.
Urnieta
EAJ-PNV lehen indarra izan da, hauteskunde gehienetan. Oraingoan, ordea, joera aldaketa bat antzematen da. Azken bi hauteskundeetan, Kongresuan eta Legebiltzarrerakoan, EH Bildu izan da lehen indarra. Lehia estua dago bi alderdi abertzaleen artean, eta PSE-EE, oso atzean, hirugarren postuan sendotu da.
Zizurkil
EH Bilduk gehiengo osoz agindu ohi du, udaletxean. Gehiengo hori gainerako hitzorduetara zabaltzen da.
Asteasu
Garai batean abertzaleen artean parekotasun handiagoa zegoen, baina azken urteotan EH Bildu nagusitzen ari da. Gaurkoan, hamarretk sei boto Otxandianoren alderdiarentzat izan dira.
Aduna
Ezustekorik ez da izan eta EH Bildu izan da nagusi.
Larraul
Udalerrian PSE-EE alkatetzan dagoen arren, udalerriz gaindiko hauteskundeetan EH Bildu nagusitzen da. Gaurkoan ere hori gertatu da.
