San Isidro eguna ospatuko da gaur eskualdean

Aiurri 2024ko mai. 15a, 10:30

Baserritarren eguna ospatuko da gaur Aiztondo eskualdeko hainbat txokotan. Une batez lanak alde batera utzi, elkartu, eta gozatzeko eguna izango dute gaurkoa.

Eskualdeko hainbat txokotan eusten diote San Isidro eguna ospatzeko ohiturari.

Amasan esaterako, egitarau hauxe izango dute:
10:00 Meza Amasako San Martin elizan
12:00 Bertso-saioa eta trikitilariak
14:00 Bazkaria Uxo-toki elkartean

Asteasun ere egun handia izaten da gaurkoa. Ostiralean jarri zuten martxan egunari lotutako egitaraua, lehen sektoreak bizi duen egoeraren inguruko hitzaldi-solasaldia eginez. Gaurko egitaraua, berriz, honakoa izango da:

11:00 Meza
11:40 Umeen herri kirol erakustaldia. Ondoren, barrikotea trikitilarien laguntzaz.
14:00 Bazkaria Iturriondo jatetxean.

Zizurkilgo herrigunean ere ospatzen dute San Isidro eguna:

12:30 Herri kirolak. Harri-jasotzen Lierni Osa eta Ainitze Zumeta. Aizkoran, Julen Gabirondo eta Joseba Otaegi.
14:00 Bazkaria Iriarte jatetxean, Beñat Iguaran eta Asier Azpiroz bertsolariekin
18:30 Umeen arteko pilota partidak, Intxaur pilotalekuan.

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!