Orotara 48 bertsolarik hartuko dute parte hamasei saioz osatutako bidean. Bada, udaberritik datoz kantari horietako 34 bertsolari, Gipuzkoa Bertsotan deitutako sailkapen-fasean eskuratu baitute udazkenean bertsotan aritzeko txartela. Beste 14 protagonistek, berriz, orain bost urteko lehiaketan irabazi zuten aurtengo txapelketarako aulkia. Beterrira nahiz Aiztondora begiratuta, lau ordezkari izango dira oholtza gainean:
Amasa-Villabona
- Beñat Iguaran Amondarain: irailaren 21ean, Lazkaon.
- Oihana Iguaran Barandiaran: urriaren 27an, Irunen.
Urnieta
- Andoni Mujika Izagirre: irailaren 29an, Andoainen.
Zizurkil
- Unai Mendizabal Jauregi: irailaren 14an Urretxun.
Errimen lapikoa
Bertso-eskoletan ipini nahi izan du arreta aurtengo edizioan Gipuzkoako Bertsolari Txapelketako antolakuntzak, mende erdi igaro baita lurraldeko lehen bertso-eskola sortu zenetik. Horrela, sasoi horretako argazki historiko bati tiraka ondu du Unai Gaztelumendi bertsolari eta ilustratzaileak aurtengo lehiaketaren iruditeria.
 |
 |
Sarreren salmenta
Gaurtik aurrera, eskuragarri izango dituzte bertsozaleek sarrerak, HEMEN klik eginda. Ohikoa den bezala, prezio berezia izango dute elkarteko bazkide direnek zein gazteek.
Informazio gehiago, datorren hamaboskarian