Aurten lehiaketa-sistema da berrikuntza nagusia. Lau bikotek A Torneoa jokatuko dute eta beste lauk B Torneoa. Txapelketa hasiko duten bikoteak hauek dira: Barrenetxea IV-Urriza, Juanenea-Ansa II, Azpiroz-Ezkurra II eta Aldabe-Larrañaga. Azken bikote hori da ohiko posizioak mantentzen dituen bakarra. Gainerakoak lekuz aldatuko dira; ohiko aurrelariek atzelari gisa jokatuko dute eta atzelariek aurrelari gisa.
B txapelketak formatu bera izango du, baina hemen ez da lekualdaketarik egongo eta norberak berea mantenduko du. Bikoteak honako hauek izango dira: Goikoetxea V-Eskudero, Gurrutxaga-Apezetxea, Susperregi-Aiestaran VI eta Arluziaga-Zaldua I. Jaialdi guztiak 16:30ean hasiko dira.