"Sergio Gonzalezek 55 kilo kategorian, 128 kilo altxa zituen; 57 kilo abiadan eta 71 bi denboran eta ondo egindako lanaren sari, brontzezko 3 domina ekarri zituen etxera.
Eneko Mesa berriz, 13 urte besterik ez baditu ere, gogor lanean aritu zen eta 4. postua lortu zuen. Kategoria berdinean 126 kilo jaso zituen, 56 kilo abiadan eta 70 bi denboran. Azpimarratzekoa Espainiako Txapelketa honetan egin zuten lana biek ere, bikain aritu ziren.
73 kilo kategorian Reda El Byad gaztearen txanda izan zen. Honek ere oso lan txukuna egin zuen. Abiadan bigarren postua lortu zuen, hirugarrena bi denboran eta 3. postua baita total olinpikoa. Bere total olinpikoa 185 kilo dira. Gazteak ezin dominarik etxera ekarri, oraindik nazionalitatea ez duelako; 5 urte darama hemen eskolarizatua eta 10 eskatzen dizkiote. Ea prozesua azkartzea lortzen duten, izan ere, mutikoak izugarrizko ilusioz entrenatzen du, hobetzen ari da eta baditu gaitasunak aurrera egiteko".