Belardiak, basoak, bidexkak, baserriak, karobiak, baselizak... Orotara, bost ibilbide dakartza aurtengo eskaintzak. Dagoeneko, herrietan, ibilbide-zati bakoitzaren inguruko trazatuak, profilak eta distantziak erakusten dituzten panelak daude. Bideetan, berriz, norabideak eta distantziak markatzen dituzten geziak eta zuinak. Aipatutako seinale horiek guztiak herrika banatuta daude, identifikazio-koloreekin: Lasarte-Oria, urre zaharra; Urnieta, berdea; Usurbil, laranja eta Andoain, urdina.
- ANDOAIN-LASARTE-ORIA. Buruntza mendia zeharkatuz edo gailurra eginda. Koloreak, urdina eta urre zaharra; 7,9 km.ko luzera du; oinez soilik egin daiteke eta mendiko oinetakoa beharrezkoa da.
- ANDOAIN-URNIETA. Koloreak, urdina eta berdea; 4,8km-ko luzera du; oinez edo bizikletaz egin daiteke eta kirola egiteko oinetakoa beharrezkoa da.
- ANDOAIN-USURBIL. (Andatzatik barrena). Koloreak, urdina eta laranja; 14,9km-ko luzera du (luzeena da); oinez soilik egin daiteke eta mendiko oinetakoa beharrezkoa da.
- LASARTE-ORIA-URNIETA. Koloreak, urre zaharra eta berdea; 3,9km-ko luzera du; oinez edo bizikletaz egin daiteke eta kirola egiteko oinetakoa beharrezkoa da
- LASARTE-ORIA-USURBIL-AGINAGA. Koloreak, urre zaharra eta laranja; 9km-ko luzera du (Santuenetik barrena Aginagako Mapil ingururaino); oinez edo bizikletaz egin daiteke eta kirola egiteko oinetakoa beharrezkoa da.
Autobus-zerbitzua
Eguerdiko 12:00etan aterako da lehenengo zerbitzua Aginagan (Ezpaldiko Gasolindegian) eta azkena 14:00etan, toki beretik. Honako hauxe da autobusak egingo duen ibilbidea: Aginaga (Ezpaldiko Gasolindegia), Usurbil (San Ignazio biribilgunea), Lasarte-Oria (Dorretxeko biribilgunea), Andoain (Goikoplaza atzealdea) eta azkenik Urnieta (Kiosko geltokia). Autobusen ordutegiak herri bakoitzeko geltokietan ipiniko dira.
