Hain zuzen, Euskal Herriko Agintaritzaren Aldizkarian, maiatzaren 9n jakinarazi zen Enigma Green Power enpresak eskatua zuela Hernaniko udal-mugartean (Gipuzkoa) Ikatz Gane izeneko zentral eolikoa (bost haize-sorgailu) eratzeko aldez aurreko administrazio-baimena. Proiektuak Hernani ez ezik, Urnieta eta Elduaingo udalerrietako lur-eremuak hartuko lituzke, eta Gipuzkoak Nafarroarekin daukan mugatik gertu.
Adarra eta Zaburu arteko zentral eolikoaren proiektua hizpide
“Zer ari da gertatzen parke eolikoekin?” izenburua daraman hitzaldia antolatu du Buruntzaldeko Kontseilu Sozialistak Hernanin, Biteri kultur etxean, urriaren 18an, ostiralarekin, 18:30etik aurrera. Adarra eta Zaburu mendien artean Enigma Green Power enpresak eraiki nahi duen zentral eolikoa izango du hizpide EH Bizirik elkarteko kide batek. Aipatu proiektua abiapuntu izanik, ekologismoa, makropiektuak eta energia trantsizioa ere jorratuko dira solasaldian.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!