Aurten ere bost kilometroko itzulia izango du lasterketak, hiriburuko Boulevard-ean hasi eta bukatuta. Goizeko 10:30ean hasiko da lasterketa (bost minutu lehenago, handbike modalitatean), baina, beroketa-ariketak egiteko aukera izango da, musikaz lagunduta, 09:30etik aurrera, bertako Kioskoan.
Lasterketa eguneko zerbitzuak
Igandeari begira, parte-hartzaileen zein ikusleen mugikortasuna errazte aldera, errefortzuak izango dira eskualdeko tren- eta autobus-zerbitzuetan. Horrez gain, beren motxila uzteko aukera izango dute korrikalariek, goizeko 09:00etatik, eguerdiko 12:00ak bitartean, Gipuzkoa plazan egongo den trastelekuan. Behin lasterketa amaituta, Kontxako beheko solairuko kabinetan eskainitako doako dutxa-zerbitzua erabili ahal izango dute, dortsal-zenbakia erakutsita.
Dortsal-bilketa
Hilaren 21ean zein 22an izango dute korrikalariek dortsala jasotzeko aukera, Emakumeen Etxean (11:00-14:00 eta 16:00-20:00) zein Apalategin, dendaren ohiko ordutegien barruan. Horrez gain, hiriburutik kanpo ere dortsalak jasotzeko aukera izango dute parte-hartzaileek, Tolosako Santi Kirolak dendan, esaterako.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!