Errigoraren “Nafar hegoaldeko uzta eskutik eskura” kanpaina martxan da. Nafarroa erdialdean eta hegoaldean ekoitzitako produktuak euskaraz etiketatuta eta ekoizlearen jatorrizko prezioan eskuratzeko aukera izango da martxoaren 26ra arte.
Erosketa egiteko modua argitara eman du Errigorak. Hala, olioa bost litroko bidoietan eskuratu ahalko da, kontserbak hamabi ontziko sortetan eta abar. Ordainketari dagokionez, Errigoratik jakinarazi dutenez, “online eginez gero, bi zatitan ordaintzeko aukera izango duzu. Bestela, dena batera ordain dezakezu, eskudirutan, produktuak jasotzerakoan”.
Errigoraren udaberriko kanpaina
- Eskaintza: ardo bereziak eta gorenak, dilistak, arroza, zainzuriak, orburuak, barazkiak, babarrunak, zainzuriak, piperrak, kardua, tomatea, potxak, menestra, arbendolak, pasta, oliba-olioa.
- Eskaerak egiteko modua: errigora.eus.
- Eskaerak egiteko epealdia: martxoak 10-26.
- Informazio gehiago: errigora.eus
