Aurreratu dutenaren arabera, hizkuntzaren aldeko lasterketa erraldoia barrutik ezagutzeko aukera emango du ikus-entzunezkoak: "Elkarrizketen bitartez, euskararen iraganaz, orainaz eta etorkizunaz hitz egingo dugu". Alde batetik, gertutik ikusiko dute ikus-entzuleek ekimena posible egiten duen taldearen jarduna, "KORRIKAREN emozioa lehen pertsonan bizitzeko". Beste alde batetik, askotariko kideen topagune bihurtu nahi dute: soziologo, antropologo, hizkuntzalari, kulturgile, politikari eta beste hamaika euskaltzale.
"Euskara maite duen edonorentzat" ari dira dokumentala egiten: "Euskara bizirik ikusi nahi baduzu, egin klik eta lagundu
crowdfunding bitartez!".