Iñaki Lizaso, Gipuzkoako Euskal Pilota Federazioaren lehendakari berria

Aiurri 2025ko api. 3a, 15:00

Martxoaren 25ean bukatu zen Zuzendaritza Batzorderako hautagaitzak aurkezteko epea, eta zerrenda bakarra aurkeztu zen, Lizaso buru zuena. Hautagaitza hori behin-behinean aldarrikatu eta erreklamazioetarako epea zabaldu zuen GEPFko Hauteskunde Batzordeak, apirilaren 1a arte.

Hala, hautagaitza bakarra egonik hauteskundeak egin beharrik ez dagoenez, eta aurkako erreklamaziorik aurkeztu ez denez, zerrenda behin betiko aldarrikatu du orain Hauteskunde Batzordeak eta federazioaren hauteskunde prozesua bukatutzat eman, era horretan.

Aurreko hiru legegintzaldietan Zuzendaritza Batzordeko kide izan da Iñaki Lizaso, eta presidente kargua hartu du. Talde zabala eta anitza izango du bidelagun (eta horien artean da orain arteko presidente Lete). Hauxe da, hain zuzen ere, GEPFren Zuzendaritza Batzorde berria:

  • Iñaki Lizaso Perez, presidentea
  • Aitor Otegi Goya, presidenteordea
  • Julen Chiapuso Nosellas, diruzaina
  • Miren Larrarte Mayoz, idazkaria
  • Andoni Zabala Lekuona, bokala
  • Gorka Altuna Esnaola, bokala
  • Aratz Luisa Urkola, bokala
  • Ibon Aranalde Arruti, bokala
  • Orkatz Argote Erkizia, bokala
  • Itziar Lete Andonegi, bokala
  • Nekane Astigarraga Lete, bokala
  • Unai Lezea Otamendi, bokala
  • Estitxu Eizagirre Kerejeta, bokala
  • Jon Pello Artetxe Mendizabal, bokala
  • Ander Biain Galdos, bokala

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!