Ion Gambra Aldundiko Giza Eskubideetako eta Kultura Demokratikoko zuzendari nagusiak eta ikerketa burutzen ari diren Aitor Azurki kazetariak eta Aitzol Arroyo historialariak aurkeztu zuten egitasmoa, joan den asteazkenean.
Aldundian egindako agerraldian adierazi zutenez, abian da ikerketa, eta horrexegatik, dei egin zieten “herritarrei pasarte ezezagun horri buruzko informazioa edo dokumentazioa” eman dezaten.
Ikerketa-liburua 2026an argitaratuko dutela gaineratu zuten.
Zehaztu zutenez, “mundu historiografikoari eta akademikoari egindako ekarpen garrantzitsu eta argitaratu gabea” da, bertan bilduko baitute 1936ko gerraren bilakaerari buruzko "informazio baliotsu, zehatz eta berritzailea".
