Slackline oreka-kirol bat da eta bi puntu finkoren artean tenkatutako zinta lau baten gainean atzera-aurrera ibiltzea du oinarri. 80. hamarkadan jaio zen, Kaliforniako (AEB) Yosemite Parke Nazionalean, eskalatzaileen eskutik, hain justu ere. Azken 20 urteetan nabarmen handitu du ospea kirolak eta, gaur egun, askotariko modutara praktikatzen da, gaur egun. Esate baterako, highline izena jasotzen du lokarria garaiera handietatik zintzilikatzen den modalitateak. Bideoan bezala, mendien artean, itsaslabarretan, eraikinetan edota hiri-egituren artean tenkatzen da lokarria eta ezinbestekoa da, segurtasun-neurriak hartzea, besteak beste, arnesa eta segurtasun-soka erabiltzea.