Ateak garraiatzeko txanda da orain. Ez dute edozein modutan egingo, baina, Aralarreko Santutegiko arduradunek erromesaldia antolatzea erabaki baitute. Hala, idiek tiratutako gurdi batean eramango dituzte ateak, Pasaiatik Aralarreko ibilbidea txistulari eta bertsolariekin batera osatu nahi dute, gainera: guztira, 86 kilometro baino gehiago izango du ibilbideak, eta Gipuzkoako eta Nafarroako 21 herri zeharkatuko dituela aurrikusi dute.
Ekainaren 9an, Hernanin, Urnietan, Andoainen, Sorabillan eta Amasa-Villabonan geldialdiak egingo ditu erromesaldiak
Biharamunean, Villabona, Anoeta eta Tolosa udalerriak zeharkatuko dituzte. Erromesaldia ekainaren 15ean amaituko da, igandearekin, Santutegian egingo duten ongi-etorriarekin. Eguerdiko 12:00etan ate berriak jarri eta eukaristia egingo dute.
Ekainak 9, astelehena. Ordutegiak:
- 10:00 Astigarraga.
- 10:50 Hernani.
- 11:30 Urnieta. Ordu erdiko geldialdia egingo dute.
- 13:30 Andoain.
- 14:10 Sorabilla.
- 15:00 Amasa-Villabona.