Eñaut Urkaregik eta Izaro Etxarrik Espainiako selekzioarekin aritu dira, Apeldoorn herriko belodromoan (Herbehereak) jokatu den munduko pista txapelketan.
Madison modalitatean irabazi du urrezkoa Urkaregik; pistan, binaka lehiatu behar da, eta tarteka sprintak egin behar izaten dira.
Bestalde, Urkaregi, bakarkako jazarpenean ere finalera iritsi zen, eta Alessio Magagnotti italiarra izan zuen aurkari, urrezkoaren bila. Azkenean italiarra nagusitu zitzaion, oso gutxigatik.
Era horretan, zilarrezkoa eskuratzeaz gain, artean Espainiako erregistrorik onena zena apurtu, eta 3:10.040ean utzi zuen.
Izaro Etxarri bosgarren, Madisonen
Izaro Etxarri adunarra bikain aritu da Herbeheretan jokatu den munduko pista txapelketan, eta Leyre Almena valentziarrarekin batera bosgarrengo postua lortu du Madison modalitatean.
