Ikastaroan parte hartzeko eman liteke izena jada, 677153422 telefonora hots eginez, edota, maizorri@gmail.com korreora idatzita. Irailaren 24 bitarte eman ahal izango da izena.
Auzolanean egindako bideoa
Maizorri Txalaparta Eskolako kideek eta zeinbat lagunek osatu dute hiru minutu eta erdiko iraupena duen ikus-entzunezkoa, abuztuko goiz batean hain zuzen.
Ez zuten edozein leku aukeratu grabaketarako. Begiraleku aparta da Amasa-Villabonako lur-eremuan kokatzen den harkaitza, Leitzarango bailaran topa daitezkeen toki miresgarri horietako bat; izan ere, bailara sakona aurrez-aurre jartzen baitu hortik dabilen ibiltaria.
Bideoaren egileek argazkirako bildu ziren, goiz osoko grabaketa amaitu ostean. Ezkerretik eskuinera, zutik: Ekaitz Ollo Tolo, Jon Urtasun, Juan Godoy, Ianire Huizi, Josu Zubeldia eta Maite Sagaseta. Makurtuta, Mikel Arberas.
