Maite Peña Zainketa eta Gizarte Politiketako diputatuak aste honetan egindako agerraldian nabarmendu duenez, familia-harrerak funtsezkoak dira adintxikiko horien ongizatea bermatzeko. Guztira, Foru Aldundiak 885 adintxikiko tutoretzen ditu; horietatik 556 zentroetan bizi dira eta 329 harrera-familiekin daude. Diputatuak nabarmendu zuenez, "harrera-familiak Gipuzkoako balio onenen eredu dira: etxeko ateak irekitzen dizkiete behar duten haur eta nerabeei. Komunitate solidario eta arduratsua gara, pertsona ahulenak babesteko antolatzen dena. Haurren ongizatea bermatzea da gure lehentasuna". Era berean, diputatuak bereziki eskertu zuen programan parte hartzen duten familien lana: "Ez da beti erraza: erronkak, zalantzak eta beldurrak daude, baina baita ilusio, ausardia, maitasun eta konpromiso handia ere. Horrek guztiak ezin hobeto definitzen du harrera-familia izateak esan nahi duena".
Informazio osagarria
Harrera-familia programari buruz gehiago jakin nahi duten herritarrek Gipuzkoako Foru Aldundiarekin harremanetan jar daitezke 682 554 433 telefono zenbakira deituz edo gipuzkoa.eus webgunea kontsultatuz.