Hiru txandatan antolatu dituzte lanuzteak: lehena, 03:00etatik 06:00etara; bigarrena, 11:00etatik 14:00etara eta, hirugarrena, 17:00etatik 20:00etara. Era berean, manifestazioak egingo dira eguerdiko 12:30ean Hego Euskal Herriko hiriburuetan: Gipuzkoaren kasuan, Donostian izango da, Bulebarretik abiatuta.
Aldarrikapen berbera oinarri hartuko dituzte kaleak sindikatuek:
- Langile klase osoaren elkartasuna adierazteko Palestinako herriarekin.
- Israel Palestinako herriaren aurka, AEBetako Gobernuaren babesarekin, egiten ari den genozidioa eta gizateriaren aurkako krimenak salatzeko.
- Zisjordanian Palestinako lurraldearen etengabeko kolonizazioa salatzeko, eta horrek langile palestinarren lan- eta bizi baldintzetan dituen ondorio larriak.
- Gazako genozidioaren berehalako amaiera eskatzeko eta okupazioa eta kolonizazioa amaituko dituen eta Palestinako herriak askatasunean bizitzeko eskubidea bermatuko duen konponbide integrala exijitzeko.
- Patronalari eta instituzioei, bertakoei zein nazioartekoei, Israelekin harreman komertzial oro eteteko eskatzeko. Ezin da genozidio baten kontura negozioa egiten jarraitu.
- Europar Batasuna-Israel Elkartze Hitzarmena osorik eten dadin eskatzeko.