Bi formakuntza antolatu ditu herrian Beterri-Buruntza Mankomunitateak, erretiroa gertu duten eta beren negozioa ixtea nahi ez duten establezimenduen jabeentzat, jarraipena eta eskualdatzea modu planifikatuan prestatzeko: azaroaren 18an eta 25ean izango dira formakuntza-saioak Lekaio kultur etxean. Lehena langile autonomoaren erretiroaren funtsezko alderdiei buruz eta, bigarrena, enpresa txikien balorazioaren funtsezko alderdiak jorratzeko.
Aldez aurretik izena eman beharko dute herritarrek, honako formulario hau beteta. Aurrera begirako hilabeteetan, eskualdeko gainerako herrietan ere trebakuntza-hitzorduak izango dira.
Formakuntzez gain, doako aholkularitza pertsonalizatua ematen du Beterri-Buruntza Mankomunitateak. Bi modu daude hitzordua eskatzeko: enpresa@beterriburuntza.eus helbidera idatzita edo 943 244 523 telefonora deituta.