Guztira lau sari banatu zituzten Goiatz Arana kazetariak aurkeztutako saioan. Hala, bertara hurbildutako erakunde publikoetako ordezkarien eskutik jaso zituzten sariak hedabideek, bertan izan baitziren, besteak beste, Eusko Jaurlaritzako Aitor Aldasoro, eta Gipuzkoako, Bizkaiko zein Arabako Foru Aldundietako, Garbiñe Mendizabal, Nestor Atxikallende eta Joseba K. Perez de Heredia. Puntuarentzat izan da azalik onenarenaren saria, zeinu hizkuntza hizpide duen lanagatik. Eduki onenarena, berriz, Aiaraldearentzat izan da "Jesus Garcia Ferreiro: mina jasanezin bihurtzen denean" erreportajearekin eta ikus-entzunezko onenaren aitortza Antxeta irratiak eraman du aurten, "Lodifobiaren aurkako ahotsak" elkarrizketa-sortagatik. Horiez gain, aipamen berezia jaso zuen Goienaren "Podcast Gela"-k.