Hirurehun lasterkarik hartu du parte helduen lasterketan. Urkamendi elkartearen paretik abiatu, eta Zizurkil eta Villabonan barrena ibili dira lasterka, errepide ertzetan bildu diren herritarren txalopean.
Gizonezkoen lasterketan, Aitor Elola izan da azkarrena helmugan, Aimar Esteban bigarren eta Eneko Arrese-Igor hirugarren. Emakumeen artean, Itziar Ibarbia izan da azkarrena, MAria Rengel bigarrena eta Marta Alonso hirugarren.
Berrogeigarren ediziora iritsi da Villabona eta Zizurkil artean ospatzen den San Silbestre lasterketa; osasun betean iritsi da gainera, parte hartze eta giro bikainarekin.
