Amasan, 10:00etako mezarekin hasiko dute eguna eta, eguraldiak laguntzen badu, prozesioa ere egingo dute. Ondoren, ohiko hamaiketakoa egingo dute eta, eguerdian, elkarrekin bazkaltzeko aukera izango dute Amasako baserritarrek.
Asteasun, 11:15etan hasiko dute ospakizuna, mezarekin. 11:40etan herriko haurrek herri kirol erakustaldia eskainiko dute eta, 12:30etan, txistorra eta sagardoa jarriko dituzte plazan, trikitilarien doinuek lagunduta. 14:00etan, bazkaria egingo dute Iturri-ondo jatetxean. Tiketak salgai egongo dira maiatzaren 13ra arte. Bazkalostean, Jexux Mari Irazu eta Maider Arregi bertsolaria eta trikitilaria arituko dira.
Zizurkilen, 12:30etan herri kirol saioa izango da Intxaur pilotalekuan. Pentatloian arituko dira Iñigo Zabala eta Xabat Olaizola eta, harria jasotzen Udane Ostolaza. 14:00etan bazkaria egingo dute Iriarte jatetxean.
