Iritsi zen finala eta Artola nahi eta ezinean aritu zen, oso seguru jokatu zuen Darioren aurrean. Porraren saria, beraz, errioxarraren alde egindakoen artean aurkitu behar da. Baina emaitza zehatza ez du inork asmatu. Zer egin, orduan? Gehien gerturatu dena saritzea erabaki du Aiurrik.
Hala, emaitzei erreparatuta, “Artola 9 Dario 22” idatzi zuen Jokin Txapartegik. “22-8 Darion alde”, berriz, Mikel Irisarrik. Klaudio Rezolak, aldiz, “22-7”. Azken hori gehien gerturatu dena 22-6 finaleko azken emaitzara, beraz, andoaindarrak eskuratuko du porran iragarritako saria. Hots, Artolak sinatutako pilota eta Kuttun gozotegiko tarta. Zorionak!