Ekainean zehar, Oria elkarteko bazkide diren saltokietan erosketak egiten dituzten herritarrek zozketa berezi batean parte hartzeko txartelak jasoko dituzte. Zozketaren irabazleak "paga extra" lortuko du, herriko dendetan kontsumitzeko erosketa-bonu moduan jasoko dena.
Kanpainaren helburua tokiko merkataritza eta zerbitzuak sustatzea da. Horretarako, kartelak eta zozketa-ontziak jarri dituzte atxikitako saltokietan, eta sare sozialen bidez ere zabalduko dute ekimena.
