Loatzotik jakinarazi dutenez, "musikak, adierazpenerako, emoziorako eta gizarte-konexiorako tresna den aldetik, gu denon bizi-kalitatea hobetzen lagun dezake, gaitasun kognitiboak, fisikoak eta emozionalak estimulatuz. Ikastaro honen helburu nagusia 3 alderdi hauek forman eta osasuntsu mantentzea izango da, alderdi sozialak duen garrantzia ere kontutan hartuta noski. Klasean psikomotrizitatea, arnasketa, konzentrazioa, memoria, kantua, mugimendua eta beste hainbat atal ere lantzen ditugu, askotan musika tresna txikien bitartez edo beste zenbait elementuen bidez, bakarka, binaka, taldean… Musika bidelagun izanik, norberak bere sentimendu eta emozioekin konektatu eta musikaz gozatzea nahi dugu. Hurbildu ostiralean Villabonako Gurea Zinera eta gozatu gurekin, musikarekin".
