Gaur goizean eman dute oinezkoen pasabidea konpontzeko hitzarmenaren berri, Maite Amenabar, Zizurkilgo alkateak eta Beatriz Unzue, Amasa-Villabonako alkateak eskainitako agerraldian.
Oria ibaiaren gaineko oinezkoan pasabidea ehunka lagunek erabiltzen dute egunero. "Pasabide honek ez ditu ibaiaren bi ertzak bakarrik lotzen, bi herriak lotzen ditu. Onartu dugun hitzarmenak ere hori bera adierazten du. Obra hau elkarrekin egingo dugu bi udalok, pasabidearen ttulartasuna, ardura eta finantzaketa ere partekatuz", azaldudu Beatris Unzuek.
Pasabidea duela 16 urte eraiki zen, bi udalen eta Foru Aldundiaren arteko lankidetzari esker. "Gaur, berriz ere, elkarlanean eraberrituko dugu, datozen urteetarako. Proiektua Sestra ingenieritza eta arkitektura enpresak egin du, bi udaletako teknikarien elkarlanarekin", azaldu du Maitek.
Jarraian, zubiari egin beharreko egokitzapenen berri eman du Amenabarrek: "Egurrezko zoladura osoa berrituko da, euste sistema hobetuko daeta barandak egokituko dira pasabidea seguruago, erosogoa eta iraunkorragoa izango da".
Sei astez itxita
Lanen aurrekontua 181.238,52 eurokoa izango da eta bi udalek erdibana ordainduko dute. Lizitazio prozesuari hasiera emango diote eta "gure nahia, obra hau ahalik eta azkarren hastea litzateke". Beatriz Unzuek argitu duenez, "uztailean prozedura martxan jarri, irailean kontratazioa egin, eta urrian obra martxan jartzea da gure asmoa, modu horretan, ahal bada behintzat, negurako zubia berrituta izango genuke. Obrek sei asteko iraupena izatea aurreikusita dago proiektuan eta obrek irauten duten bitartean ez da erabilgarri izango".
"Gaur, pasabidea berritzeko bidea ireki dugu, baina batez ere, bi herrien arteko elkarlana sendoten jarraituko dugula erakutsi nahi dugu", amaitu du Maite Amenabarrek.