Urnieta: Azaroak 18, asteazkena
Bezperan, Urnietan, Lourdes Iriondo Musika Eskolak Santa Zezilia eguna ospatuko du. Azaroaren 18ko kalejira, herriko plazatik abiatuko da arratsaldeko 17:30ean hasita. Adarra Jo Txarangarekin eta Kantazaunekin batera honako ibilbidea egingo dute: San Joan plaza, Zubitxo plaza, Etxeberri plaza eta Lourdes Iriondo Musika Eskola.
Andoain: Azaroak 19, osteguna
“Musikalean” izenburupean, Santa Zezilia eguneko ospakizuna egingo du Andoaingo Udal Musika Eskolak. Datorren azaroaren 19an izango da, ostegunarekin, arratsaldeko 17:15etan hasita. Hiru kokapen ezberdin aurreikusi dituzte: Plaza Morean, haizezko eta perkusio taldeak izango dira lehenak; 17:30ean, Bastero parean, akordeoilariak eta txistulariak; eta, 17:50etan, biolin, flauta, gitarra eta perkusio taldeak Juanita Alkain plazatxoan. Amaitu aurretik, arratsaldeko 18:00etan, denek elkarrekin “Musikalean” pieza joko dute Juanita Alkain plazatxoan. Txokolate beroarekin amaiera emango diote saioari.