Azaroaren 25a, gure plazen erdigunean

Ekitaldi ugari indarkeria matxistaren aurkako nazioarteko egunean, gure eskualdean.

Ate joka dago azaroaren 25a, Indarkeria Matxistaren Aurkako Nazioarteko eguna. Urteroko legez, eskualdean indarkeria matxistari eta horren erantzuleei aurre egin, zein gaia kontzientziaz lantzeko ekimen ugari antolatu dituzte

Andoain

Indarkeria matxistaren auzia txiki-txikitatik lantzen joateko, haur zein gazteek hainbat jardueratan parte-hartzeko aukera izango dute. Azaroaren 21ean, 4-7 urte bitarteko haurrek mural bat margotuko dute Ludotekan. Egunean bertan, 12-17 urte bitartekoek ere Gazte Lokalean mural margoketa egingo dute, eta baita txapa lantegia ere. Herriko txikienek, 4-11 urte bitartekoek, arratsalde osoan zehar Ludotekan txapa lantegia izango dute aukeran.

Iluntzean, urteroko ohiturari jarraituz, Mugimendu Feministak deituta elkarretaratzea egingo dute 18:30ean Goikoplazan, Marisolen bakarrizketarekin hasita.

Kultur arloan ere Bastero Kulturgunean gaia artearen mundutik lantzeko eskaintza egongo da datozen egunetan. Azaroaren 27an “Feminissimas” antzezlana ikusteko aukera egongo da. Bestetik, azaroaren 29an “De cuando existía el purgatorio” antzerki esperimentala egingo dute, eta, ondoren, solasaldia egongo da. 

Aiztondo bailara

Azaroaren 20an Itaia antolakundeak “Las chicas de la estación” filma proiektatuko du Zizurkilgo Atxulondo kultur etxean. Proiekzioa amaitzean, hausnartzeko tartea irekiko dute txokolatea banatzen duten bitartean. 

Azaroaren 25ean bertan, Irradaka dantzatuko dute Joxe Arregi plazan. Horren ostean, Aiztondo mailako mobilizazioa antolatu du Mugimendu Feministak Amasa-Villabonako N1 azpiko zubian. 

Era berean, asteasuarrek ekitaldi bat egingo dute. 18:30ean herriko plazan elkartuko dira, eta bertan, bertsoak eta abesbatzaren emanaldia eskaintzeaz gain, arrosa beltzak banatuko dituzte. Ekitaldia ixteko, irakurketa egingo dute.

Egitaraua

Andoain

Azaroak 21, larunbata

10:00-13:00 Mural margoketa. 4-7 urte. Ludoteka.

 

Azaroak 25, asteazkena

17:30 - 20:30 Mural margoketa eta txapa lantegia. 12-17 urte. Gazte lokala.

17:00 - 20:00 Txapa lantegia, 4-11 urte. Ludoteka.

 

Mugimendu feministak antolatuta:

18:30 Elkarretaratzea, Goikoplaza. Marisolen bakarrizketarekin hasita.

 

Azaroak 27, ostirala

19:30 Antzerkia: “Feminissimas”. De ste xeito producciones. Hizkuntza: gaztelania.. Bastero Kulturgunea.

 

Azaroak 29, igandea

12:00 Antzerki esperimentala: “De cuando existía el purgatorio”. Las Wallpurguis konpainia. Hizkuntza: elebitan.  Ondoren solasaldia egongo da. Bastero Kulturgunea.

Zizurkil

Azaroak 20, ostirala

18:30 Itaiak antolatuta: ‘Las chicas de la estación’ filmearen proiekzioa eta txokolatada. Atxulondo kultur etxea.

 

Azaroak 25, asteazkena

18:00 IRRADAKA. Joxe Arregi plazan.

Amasa-Villabona

Azaroak 25, asteazkena

18:30 Elkarretaratzea, N-1 azpiko zubian (Otsabi).

Asteasu

Azaroak 25, asteazkena

18:30 Ekitaldia: bertsoak, abesbatza,larrosa beltzen banaketa eta irakurketa.

 

 

Erreportaje osoa irakurgai dago Aiurri 703 hamaboskarian

 

Aiurri aldizkaria harpidedunek soilik jasotzen dute etxean. Harpidedun ez denak kioskoan eros dezake hamaboskaria eskualdeko ondoko saltokietan:

  • Andoain: Ernaitza eta Stop liburu-dendak.

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!