Sariak baditu bi finalista

Erabiltzailearen aurpegia 111 Akademia Saria 2025ko api. 29a, 19:33

Dagoeneko 111 Akademiak itxi du 2024. urteko saria ebazteko zabalduriko bozketa txandetako bigarrena. Sariaren berri maiatzaren 19ra aldera emango du akademiak, behin azken bozketa txanda amaiturik.

Dagoeneko 111 Akademiak itxi du 2024. urteko saria ebazteko zabalduriko bozketa txandetako bigarrena.

Bigarren txanda horretan ondoko obrak izan dituzte aztergai lehian akademiakideek:

  • PLEIBAK - Miren Amuriza
  • GIZON BARREGARRIAK - Joxean Agirre
  • FRANCESCO PASQUALEREN BOSGARREN ARIMA - Unai Elorriaga
  • HETERO - Uxue Alberdi
  • COCA-COLA BAT ZUREKIN - Beñat Sarasola

Bigarren txanda amaitu ondoren ez da izan bost obra horien artekorik gutxienez botoen % 40a bere alde izan duenik saridun izendatua izateko.

Horrenbestez, botorik gehien jaso duten BI obrek egin dute aurrera eta bi obra horien artean erabakiko dute akademiakideek HIRUGARREN BOZKETA TXANDAN. Bi finalistak hauexek dira:

  • PLEIBAK - Miren Amuriza
  • FRANCESCO PASQUALEREN BOSGARREN ARIMA - Unai Elorriaga
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!