Honen aurrean Amasa-Villabonako Udalak bere kezka adierazi du eta Beatriz Unzue alkateak Osasun Sailari gutun bat bidaltzea erabaki du.
Gutun horretan alkateak lehen arreta indartzearen beharra adierazten du eta pandemia egoera honi erantzuteko hiru eskaera zehatz egin dizkio Eusko Jaurlaritzako Osasun Sailari:
- Herritarrek test azkarrak astean behin dohainik egiteko aukera ezartzea.
- Aztarnari edo rastreatzaile kopurua gehitzea, Covid-19aren kutsadura ematerakoan, honen trazabilitatea ahal bezain arinen egin ahal izateko.
- Laborategietako zerbitzuak indartzea, herritarrek egiten dituzten frogen emaitzak ahalik eta azkarren eskura izateko.