Euskal nazioa ez dugu ikuspuntu itxi eta baztertzaile batetik aldarrikatzen. Gure herrian nazio nortasun ezberdin ugari dituzten pertsonak bizi gara, eta guztiak dira neurri berean errespetagarriak.
Beraz, pertsona guztien eskubideen bermean, askatasun indibidual eta kolektiboetan, berdintasunean eta errespetuan oinarritzen den euskal komunitatea aldarrikatzen dugu 2022ko Aberri Egunean.
Balkoietan Ikurriña jartzeko deia
Udalak bat egin du Euskal Herria Batera ekimenarekin, eta dei egiten die herritarrei Aberri egunean Ikurriña etxeko balkoietan edota leku ikusgarrietan jar dezaten.
Ikurriñak doan herritarren eskura
Udalak Ikurriñak jarriko ditu eskuragarri eta nahi duen herritar bakoitzak Ikurriña bat doan eskuratu ahal izango du:
- Udaleko Herritarren Arreta Zerbitzuan: 09:00etatik 14:00etara.
- zuretzat@villabona.eus e-mailera eskaera eginez. Mezuan zure izen abizenak eta helbidea zehaztu, eta postontzian jasoko duzu Ikurriña.