Batez ere, antzerkia izango da nagusi maiatzean zehar; Kopaz kopa, edota Geuretik sortuak egitasmoaren baitan sortutako Trapu zikinak saioez gozatzeko aukera izango dute helduenek. Bertsoa eta antzerkia uztartzen dituen Erre, aldarri bat bertsoz ikuskizunak ere bere tokia izango du Amasa-Villabonan.
Horietaz gain, Marie José Labourdique & Seve Iglesiasen pintura erakusketaren inaugurazioa maiatzaren 6an izango da, Gurea antzokiko erakusketa gelan.
Opera zaleek ere badute euren tartetxoa maiatzeko kultur programazioan, Giuseppe Verdi-ren La Traviata opera Gurea antzokiko pantaila handian ikusteko aukera izango baitute.
Honetaz guztiaz gain, ohiko zine emanaldiak izango dira Gurea antzokian.