Guztira, 51 eskaera jaso dira aurten, eta horietatik 36 onartu dira. Beste 15 eskaera baztertu egin behar izan dira, dirulaguntza hauetako onuradun izateko beharrezko baldintzak ez betetzeagatik. Gauzak horrela, Udalak, guztira, 8478,20 euro bideratuko ditu aurten uraren eta hondakinen tasak ordaintzeko zailtasun ekonomikoak dituzten herritarrei laguntzera.
Krisi garai honetan, pobreziarekin eta gizarte bazterketarekin amaitzeko gizarte politika aktiboak garatzen eta neurriak hartzen jarraitzeko konpromiso irmoa adierazi du udal gobernuak.