Honekin batera, horrelako elementu piroteknikoak ez erabiltzea lehenesten bada ere, erabiltzeko hautua egiten dutenek kontuan izateko hainbat gomendio argitaratu ditu Amasa-Villabonako Udaltzaingoak:
Udaltzaingoak piroteknia (bengalak, petardoak eta antzekoak) erabiltzeak hiritarrengan ekar dezakeen arriskuaz eta trabaz ohartarazi nahi du eta bide publikoan bengalak jaurtitzea debekatuta dagoela gogorarazten du.
Baimendutako saltokietan erosi behar dira
Oso garrantzitsua da horrelako tresna piroteknikoak erosten badira, araudia betetzen duten baimendutako establezimenduetan egitea. Izan ere, hauek saltzeko baimen berezia duten dendek honako baldintzak bete behar dituzte:
- Produktuak katalogatuta egon behar dira.
- Lehergailu bakoitzak erabiltzeko gutxieneko adina du eta CE ikurra izan behar dute.
- Debekatuta dago lehergailu piroteknikoak kalean saltzea.
Erabilera egokirako gomendioak
Gertakari tamalgarriak ekiditeko asmoz, Udaltzaingoak hondorengo gomendioak plazaratu ditu:
- Ez gorde lehergailurik poltsikoetan.
- Ez manipulatu lehergailuen osagarririk eta ez atera lehergailuen osagarririk
- Ez bota petardorik pertsona edo animalien kontra
- Ez bota eskuekin. Artikulua lurrean jarri beti eta metxa albotik piztu. Horrenbestez, jaurtitzaileak petardotik urruntzeko denbora izango du
- Adi egon inguruan su hartu dezaketen lehergailurik edo likidorik egon ez dadin
- Ez jarri petardorik adreiluetan edo botilatan. Lehertzen direnean metraila sortu dezakete
- Artikuluak saltokietan eta baimendutako profesionalei erosi
- Petardo edo bengala bat ez bada ondo pizten ez ukitu ordu erdi pasatu arte
- Ez bota petardo edo bengalarik etxeetako atarietan edo balkoietara, suteak izateko arrisku handia sortzen dute eta.